La contes che reverda la tarifa dl refudam 2025 ie unides dates ora ai 10/03/2026 y mandedes tres la PEC istituzionela dl Chemun a duc i zitadins y zitadines che à dat ju na adres PEC o e-mail pra l Chemun.
Te n valguna situazions iel unì mandà ora la contes sibe per e-mail che per posta.
L'Aministrazion de Chemun fej mo al savëi che sun duta la contes dla tarifa dl refudam 2025 vëniel juntà la cumpunëntes de valivanza scrites dant da ARERA (Autorità de regulamentazion dl'energia, dla rëies y dl ambient):
- na cumpunënta de valivanza per curì la spëises de manejamënt dl refudam abinà a cajo y dl refudam che n à tëut su ulenteramënter (0,10 euro per utënza/ann)
- na cumpunënta de valivanza per curì la reduzions recunesciudes per caji straurdineres/catastrofes natureles (1.50 euro per utënza /ann)
- na cumpunënta de valivanza per l finanziamënt dl bonus soziel* dl refudam (6,00 euro per utënza /ann).
*L bonus soziel, che ie dl 25% dla tarifa dl refudam, vën dat ora automaticamënter ai zitadins y ala families cun n valor ISEE de manco che 9.530 Euro o de manco che 20.000 Euro per la families cun plu de 4 mutons. L bonus ti vën dat automaticamënter dal Chemun a chi che à l dërt, zënza messëi fé dumanda, nchin ai 30 de juni.
Per nfurmazions y stlarimënc ie l Ufize dla Ntredes a despusizion al numer de telefon 0471 782026.
N ulëssa mo fé al savëi che l calënder nuef dl refudam ie da abiné online:
Calënder dl servisc de abineda dl refudam tl Chemun de Urtijëi
Prutezion di dati per l bonus soziel dl refudam
