Dal 18 de merz 2026 inant, vëniel pità a Urtijëi n “Digipoint”. L fin de chësta iniziativa ie de sustenì, resolver cuestions y problems digitei ai zitadins y la zitadines de uni età.
Chësc servisc ie debant y unirà pità n iede a l’ena y plu avisa uni mierculdi dala 2 ala 4 domesdì. La tutora y cunsulënta Ines Demetz a tëut pert ala furmazion spezifica per l DigiPoint.
Ëila sarà a despusizion tla Cësa de Chemun tl 1. partimënt y dajra assistënza danterlauter per:
- N aiut tl'adurvanza dl fonin o dl laptop
- Aiut per dé ju dumandes online, coche p.ej. mensa o iscrizions y servijes de aministrazion digitei
- Aiut tl'ativazion dla cherta d'identità digitela
- Aiut tl cunfiguré l SPID o CIE
- Aiut per ji ite ti servijes dl'Unità Sanitera (funzion online)
- Aiut cun Word y Excel
- Aiut tla gestion y dl salvé documënc y l trasferimënt dla fotografies
- Y mo auter ...
N possa se nuté su tres e-mail a Ines.demetz@gemeinde.stulrich.bz.it o uni diretamënter te Chemun for de mierculdi domesdi.
Persones che ëssa nteres a tò pert ai cursc da tutor/a per l DigiPoint per l chemun de Urtijëi, che se nteressea dl mond digitel y dajëssa gën inant si cumpetënzes te chësc ciamp, possa cuntaté maria.kerschbaumer@gemeinde.stulrich.bz.it. Per l tutor iel udù dant n paiamënt, l ie da fé n collquium a usc online y da tò pert a cursc per la spezialisazion ti servijes digitei.
