Cun l'urdenanza de prëscia dl presidënt dla pruvinzia n. 6 di 20.07.2026 iel, pervia dla suta che dura inant, unì metù n droa mesures de sparanië ega che vel te duta la provinzia. La despusizions à na fazion debota y resta n droa nchin che l ie n avis nuef.
L Chemun nfurmea la populazion n con' dla mesures che ie n droa y nvieia duc i zitadins a les respeté cun sentimënt de respunsabltà.
L ie n droa chësta mesures:
- Duc chëi che adrova l'ega, dantaldut chëi dl ciamp dl'agricultura y de d'autri ciamps dl'economia, coche nce i patrons de verzons o parcs, ie damandei a adurvé la ressorsa “ega” te na maniera de sparani, sustenibla y efizienta, limitan l cunsum al mënder che la va.
- Blandé sperses vërdes privates, publics o per l turism muessa vester limità y ie te uni cajo pruibì danter la 8 daduman y la 7 da sëira. L possa mé unì blandà al mascim uni trëi dis y mé tant che l ie propi debujën. I sistems che blanda automaticamënter muessa unì prugramei da nuef aldò.
- L ie pruibì puzené stredes y plazes cun ega. Ora de chël iel nce pruibì adurvé l'ega da bever dla rë publica per lavé i auti nia cumerziei.
- L ie pruibì tl'agricultura l blandé a plueia danter la 6 daduman y la 9 da sëira. Chësc vel per duc i mplanc da blandé che ne va nia a rotazion o che ne ie nia njeniei cun sistems a gota.
L Chemun rengrazia duc i zitadins per la cunlaurazion y per si cuntribut per stravardé la ressorses dl'ega.
