I trëi Chemuns de Gherdëina à metù a jì deberieda cun l Zënter de Mubiltà y la Dolomites Gherdëina n proiet nuef, che ti lascia da mez juni do tl priesc de lascé l auto a chi che à la Val Gardena Club Card. La fin dla scumenciadiva ie chëla de ti pité n valor sëuraprò cuncret ala jënt dl luech, ti jan permez al majer custimënt dla plazes da lascé i auti pervia dla gran dumanda turistica.
I respunsabli di trëi Chemuns sotrissea la mpurtanza dla mesura nueva: "Cun chësc proiet ulons ti pité n vantaje sensibl ala zitadines y ai zitadins de Gherdëina, mstran tl medemo mumënt che i bujëns dla jënt da tlo vën tëuc sul serio."
Chëi che à la Val Gardena Club Card giapa tl daunì te truepa plazes da lascé i auti publiches te duta la valeda na tarifa arbasseda: per la prima cin'ëura ie la tarifa de lascé i auti mé de 0,50 € al'ëura, dala sesta ëura inant vëniel calculà la tarifa regulera.
La plazes da lascé i auti ie chëstes:
Urtijëi
- Pitla Stua
- Plaza S. Antone
- Raion saniter
- Setil
- Garasc Pana
- Garasc Central
St. Cristina
- Cristauta
- Monte Pana P1 y P2
- Iman
- Vedla Calonia
Sëlva
- Plan/Isgla
- Frates
- Val
- Sciuz
- Scola de Schi/Crestan
- Cësa de Cultura
- Taiadices
- Plan de Gralba
- Garasc Chemun
- Garasc Nives
Nscila vala:
- Pra l aparat da lascé i auti iel da crì ora la cherta V.G. Club" y dé ite la targa.
- Tla garages sot a tiera che fej pea vën la recunescënza fata automaticamënter tres la targa.
Nscila funziunea la dumanda:
Mpermò do che n se à registrà cun suzes, possen se nuzé dla reduzions ududes dant.
